湯火功夫麻辣燙 (Closed)

湯火功夫，我起初仲以為係賣湯，原來係麻辣麵食店。今日開幕，門口有好多花牌哩～我同媽都好鐘意食麻辣，但爸就食唔到辣，搞到我地無得食⋯咁岩今晚得我同媽食；又咁岩我今日約做Facial既地方正正就係樓上，做完Facial就黎食 湯火功夫！$37 可選二款素菜+一款葷。而麵類達8款之多， 我揀左經典麻辣拌 油墨菜 木耳 炸枝竹 配油麵；而媽就要左招牌麻辣燙。唔知係咪新營業，等食覺得有d耐⋯我碗麻辣拌麵黎啦～賣相唔錯，我點左小麻辣，睇落唔辣但食落都幾辣，哈哈！感覺就係細碗版既麻辣香鍋！味道都幾好，麵唔會太淋或過硬，拌麵又唔會過乾或太濕，係小麻辣都幾辣咁者，不過唔辣又唔惹味喎！食麻辣點少得酸梅汁，好好飲，少少一啖即解辣！加上而家天氣咁鬼熱，飲酸梅汁即時透心涼啦～媽果碗係有湯，同樣揀左小麻辣但飲落口覺得無拌麵咁辣⋯ 魚腐豆卜配薯粉，媽吃得滋味！若嫌唔夠辣可自行添加麻辣油及辣椒油；或者加醋解辣亦可！