Video
Read full review
2021-04-19
581 views
要飲燉湯，都唔一定要幫襯醉酒明嘅~雖然又一間隱世小店，明明係香車街/曹公坊，但都要搵咗陣先見到，但嚟到閒日嘅星期四都估唔到要等位~好彩唔係等好耐~😁兩個人叫咗2個燉湯，2個小菜，同一隻乳鴿，估唔到個湯係超級大盅，而且極足料！沙參玉竹紅棗燉飽魚﹕估唔到真係有原隻飽魚係入面，而且都幾淋~😋蟲草花花膠百合燉唐排﹕花膠就唔算係特別靚貨式，不過都好滑，唐排夠淋，單係食湯渣都值~😋不過小菜方面就削咗少少，口水雞﹕熱食嘅口水雞真係少見🧐唔算太麻，反而辣油感比較重，男朋友就麻麻地，但我都OK 接受蒜蓉粉絲蒸龍躉頭腩﹕龍躉頭腩算正正常常，蒜蓉同成碟嘅味都偏淡，變相好多粉絲係底但唔多夠味(不過粉絲多到可以當飯食)乳鴿🕊️﹕個味唔錯，不過就真係好好好BB, 無咩肉食，勝在38蚊隻都幾抵~🕊️2個人晚餐$250左右，因為個湯真係幾值回票價，但食物可以再進步，希望可以繼續努力啦！另外樓面人手比較少，大家去嘅時候多多體諒
雖然又一間隱世小店，明明係香車街/曹公坊，但都要搵咗陣先見到，但嚟到閒日嘅星期四都估唔到要等位~好彩唔係等好耐~😁
兩個人叫咗2個燉湯，2個小菜，同一隻乳鴿，估唔到個湯係超級大盅，而且極足料！
沙參玉竹紅棗燉飽魚﹕估唔到真係有原隻飽魚係入面，而且都幾淋~😋
蟲草花花膠百合燉唐排﹕花膠就唔算係特別靚貨式，不過都好滑，唐排夠淋，單係食湯渣都值~😋
不過小菜方面就削咗少少，
口水雞﹕熱食嘅口水雞真係少見🧐唔算太麻，反而辣油感比較重，男朋友就麻麻地，但我都OK 接受
蒜蓉粉絲蒸龍躉頭腩﹕龍躉頭腩算正正常常，蒜蓉同成碟嘅味都偏淡，變相好多粉絲係底但唔多夠味(不過粉絲多到可以當飯食)
乳鴿🕊️﹕個味唔錯，不過就真係好好好BB, 無咩肉食，勝在38蚊隻都幾抵~🕊️
2個人晚餐$250左右，因為個湯真係幾值回票價，但食物可以再進步，希望可以繼續努力啦！
另外樓面人手比較少，大家去嘅時候多多體諒
Post
