甄記廚房 (Closed)

鰂魚涌/太古仿呢頭食晏真係好惡攪, 又貴又成日要等位, 想要搵好食又平嘅選擇似乎好微...啱啱呢個星期無飯帶, 同事就介紹咗呢間佢都未試過嘅, 但佢話見到有佢至愛嘅湯飯, 所以捉我黎試 :第一次3個人都係叫咗濃蝦湯泡飯, 我仲講笑話唔好食就大家一齊死! 哈哈~~點知飯黎到已聞到好香蝦湯味, 食落就停唔到咁畢湯飲~~飯就係珍珠米, 夠煙韌, 唔會淋patpat~~要抱怨嘅係D飯太多, 下次要少飯多湯先得, 同埋同事加嘅牛柳粒好韌. 我嘅雞扒 & 另一同事嘅豬扒都可以, 一般貨色啦~連凍飲$46., 略貴, 不過好食都算係咁啦~仲有就係咖啡好對味, 唔係普遍茶餐廳帶酸果種咖啡~似pokka cafe blended果隻味.第二次, 大家一齊叫雞~~雞湯泡飯(只星期五供應), 第一啖湯覺得略咸, 但亦有清雞湯味, 同事就覺得湯及雞件都好夠味, 當然又係唔停口咁飲湯, 飲完都唔會有好口渴感覺, 即係無味精又或都落得好輕手; 畢畢吓發覺原來好多舊雞件, 淨D食唔曬, 好在叫咗少飯啫~連凍飲$46...要贊嘅係, 其中一個同事碗飯黎咗之後5分鐘, 隔離檯嘅雞飯都到咗, 我地少飯果兩碗都未有影蹤,