忠記粥品 (鴉打街)

Open Now

Now Closed

老實講，之前食過呢間嘅粥同腸粉都覺得麻麻地。不過我問朋友話食咩，自己又講咗冇所謂，所以佢揀呢間我就照去。好在佢揀呢度係話食湯飯，咁我又試吓，可能佢湯飯好食好多呢。不過湯飯同打邊爐一樣，兩樣嘢，湯底同食材。呢個湯底還可以，普普通通嘅清湯，有啲似係雞粉，又有啲似係豬骨。但起碼唔會一大浸味精味，同食完飯都唔會口乾。餸菜方面，都係普通嘅選擇，墨丸幾好食，皮蛋唔香。朋友嘅薯仔同蔬菜份量好多。呢個辣椒豉油都幾辣，越食越辣，同埋係剁椒，有陣鮮香味。