三洋餐廳 (Closed)

尋日晏左食午飯，近近地走去三洋，叫左個湯飯食(魚腩+玉子豆腐)，菜選左人工蟲草，跟碗白飯。之前已經有朋友話過三洋d湯飯得，食完唔會口乾，又話三洋d湯飯魚湯係朝朝新鮮煲。雖然得一細碗飯跟一大碗魚湯覺得唔係好夠飯(如果你細食既就應該夠)。但味道真係唔錯，起碼食唔到有味精味，似雞加魚肉加冰糖。唔會太咸又有濃湯味。食完飲埋個湯都幾滿足。可能我成3點先食晏，可以一個人坐到卡位。叫到食都係5，6分鐘出到，暫時覺得呢間可以翻食。