越湯

Open Now

Now Closed

呢間越湯係位於長沙灣同深水埗中間，我間中返呢邊都會食呢間，因為午市都幾抵食，而且好足料～ 平時lunch time經過好多人等，但嗰日星期六夜晚我帶朋友去試，竟然又無咩人🤔我比較過午餐同晚餐嘅價錢其實差唔多，午餐可能平幾蚊，但就仲會送埋飲品～ 但70蚊嘅晚餐好似唔算貴～•🥢 越湯招牌火車頭A5和牛湯金邊粉 $68我平時都係食雙拼嘅湯麵，因為佢嘅湯底真係幾出色，有牛味得嚟係偏清甜，唔會好油膩～我之前已經食過：豬頸肉、蒜蓉牛油炸雞扒、墨魚餅同埋蝦餅，水準都唔錯～今次就試咗平時啲同事都好推薦嘅招牌火車頭！有超級多餸：牛𦟌、生牛肉、牛柏葉、牛筋、牛丸🤩 牛𦟌好大件，同埋煮得幾腍；牛肉麵幾有牛味，唔會太嚡；牛柏葉同牛丸都正常水準；唯一比較扣分嘅就係牛筋，因為煮得唔夠腍，仲有啲啲硬🫣 個人比較鍾意腍啲嘅牛筋🤣另外就係個麵底都多到好誇張，份量應該有平時食啲連鎖米線嘅1.5倍😂我食咗一半就投降🙈•🥢 外脆內軟豬頸肉撈檬 $58豬頸肉好腍，但無做到佢形容嘅外脆🤔 撈檬面嘅蔬菜絲(紅白蘿蔔、生菜、青瓜)都幾足夠，仲有啲花生碎，不過對個魚露有啲失望，因為呢到個魚露偏甜，無咩酸味，好似落咗唔少都唔夠味😤 •🥢