原味家作 (Closed)

午餐突然想食得健康d，見到原味家作sell自己無味精，無雞粉，原味道，好似幾啱我就決定試吓。最尾揀咗頭抽木耳炒麵套餐配花膠川貝雪梨烏雞湯。頭抽木耳炒麵，最大既賣點係炒麵都可以極少油，呢樣做得唔錯。但係麵質偏硬同埋好咸，真係冇落味精？餸就真係得黑木耳，連芽菜同蔥都冇。Menu推介呢款炒麵可以加辣菜脯會好惹味，但係可能外賣所以佢冇俾我。至於花膠川貝雪梨烏雞湯，冇乜油湯味超濃香甜得黎都係咸左少少，如果有湯渣會更好。$62一份午餐仲有湯飲都算抵食。