La Moo Moo' s Steak and Fries

Open Now

Now Closed

頭盤係一個磨菇湯，嚟到已經有陣陣嘅磨菇味，滿滿嘅磨菇碎係湯底，令成個湯都鎖實晒個味道。跟住係醒胃嘅凱剎沙律，呢個沙律拍得住五星級酒店嘅質素，紅菜同綠菜嘅比例啱啱好，芝士碎同蒜茸麵包碎永遠都係咁夾，食落都好爽。跟住係芝士薯茸，伴隨着嘅熱熱地嘅芝士，每一個薯仔都有拉絲嘅感覺，滿足晒視覺上嘅效果。最緊要嘅係個安格斯肉眼牛扒，足足10安士咁多，師傅好用心機咁製作5成熟嘅效果，以大火煎熟牛扒表面，鎖住肉汁，食落去刀頭輕輕咁㩒落去，牛扒已經切開，肉汁從牛扒湧出，急不及待咁試咗一舊，肉眼扒嘅鮮味同均勻分佈嘅脂肪，再加上鮮嫩嘅肉質，三者形成絕配，好味嘅感覺從舌尖直奔喉嚨，味蕾充滿住新鮮食材嘅感覺，非常值得推介。重點推介係意大利燒烤腩肉卷，腩肉卷嘅精髓就係唔能夠太肥，亦唔可以痴牙。呢間腩肉卷就做到岩岩好，真正入口即溶，肉質慢煮下保持唔會好老，腩肉嘅豬味都好出，好適合小朋友食，唔會太熱氣同油膩，值得一試。