Video
Read full review
2022-02-18
531 views
天氣凍凍地，係極佳打邊爐季節。雖然疫情關係少咗大班朋友火鍋聚餐，但係都無阻我呢一個火鍋控約埋知己去火鍋店「烚吓烚吓」。最近有網友介紹係灣仔駱克道新開左一間幾有特色既火鍋店，賣點之一係提供坊間火鍋店少有嘅「本地騸牯牛」，作為火鍋達人當然無懸念安排去試下。.位於灣仔市中心商業大廈2樓嘅ʟᴇᴛꜱ ᴘᴏᴛ雖然唔算太大，但係裝修別緻。無論裝修、所用鍋具碗碟器皿，應該都係精心挑選有滿滿既舊式老情懷。值得一提係餐廳最少提供左上二十款不同嘅火鍋調味料，調味區非常之壯觀。.火鍋二人餐 💲1280⭐4.2/5.🍲湯底想滋補一下所以挑選左🐔椰子花膠螺片雞湯底 。椰子湯底如想像中清甜，配埋花膠、螺片同瑤柱養生健康，而雞件肉質嫩滑。飲咗好唔少湯先正式開始打邊爐。其實套餐仲有其他高級湯底選擇，例如🦞水煮小龍蝦同用上騸牯牛 🐮胡椒蘿蔔牛腩筋，下次有機會可以試吓。.🥢食品🔸 本地騸牯牛 - 提供不同部位，今次試到池板、牛腩心同牛舌🔸本地有機蔬菜盤🔸手工餃子 (4隻)🔸特色丸子 (4粒)🔸西班牙黑毛豬🔸五頭南非鮑魚1隻🔸新鮮游水沙巴龍躉魚片🔸凍豆腐🔸自家炸魚腐🔸水雲麵1個.🐮作為牛魔王，打邊爐最睇重既絕對係要痛靚牛。餐
.
位於灣仔市中心商業大廈2樓嘅ʟᴇᴛꜱ ᴘᴏᴛ雖然唔算太大，但係裝修別緻。無論裝修、所用鍋具碗碟器皿，應該都係精心挑選有滿滿既舊式老情懷。值得一提係餐廳最少提供左上二十款不同嘅火鍋調味料，調味區非常之壯觀。
.
火鍋二人餐 💲1280
⭐4.2/5
.
🍲湯底
想滋補一下所以挑選左🐔椰子花膠螺片雞湯底 。椰子湯底如想像中清甜，配埋花膠、螺片同瑤柱養生健康，而雞件肉質嫩滑。飲咗好唔少湯先正式開始打邊爐。其實套餐仲有其他高級湯底選擇，例如🦞水煮小龍蝦同用上騸牯牛 🐮胡椒蘿蔔牛腩筋，下次有機會可以試吓。
.
🥢食品
🔸 本地騸牯牛 - 提供不同部位，今次試到池板、牛腩心同牛舌
🔸本地有機蔬菜盤
🔸手工餃子 (4隻)
🔸特色丸子 (4粒)
🔸西班牙黑毛豬
🔸五頭南非鮑魚1隻
🔸新鮮游水沙巴龍躉魚片
🔸凍豆腐
🔸自家炸魚腐
🔸水雲麵1個
.
🐮作為牛魔王，打邊爐最睇重既絕對係要痛靚牛。餐廳介紹佢地提供既牛肉都係用上本地新鮮經閹割過既「騸牯牛」，有本地「和牛」美譽。騸牯牛脂肪比例更高，而每日凌晨屠宰，牛味會保存得更好。套餐賣點係可以一次過俾我哋試到幾個刁鑽靚牛部位。店家好貼心有個小指示牌介紹番唔同牛既部位。牛拼盤嘅池板、牛腩心真係第一次試。池板大約係牛前腿位置，脂肪比較多油脂感較重。而牛腩心係牛腩最中心位置，脂肪不多但係牛味香濃。拼盤中心花花位置係牛舌，口感不錯。
.
🥟手工餃子同埋丸類有好多選擇，全部都係自家製唔少款各有特色。我哋就揀咗香茅肉碎餃、冬陰功雜菌餃、冬陰功墨魚丸同梅菜豬肉手打丸。我自己喜歡冬陰功雜菌餃，皮薄多汁，而香茅肉碎餃則有泰國風味。
.
🥬餐廳介紹佢地每日新鮮採購本地農場嘅時令有機蔬菜，例如今日嘅蔬菜盤係來自元朗錦上路嘅濼田農莊，蔬菜款式有機會天天不同。雖然係二人份，但都提供四款唔同嘅新鮮蔬菜。
.
🍜麵類係較少見日式嘅水雲麵，即係日本海藻麵。呢一款素麵口感有啲似日式嘅蕎麥麵，屬於健康麵食。
.
另外套餐仲有西班牙黑毛豬、五頭南非鮑魚、新鮮游水沙巴龍躉魚片等較高級嘅火鍋食材。再加埋凍豆腐、炸魚腐等確實好足料。
.
總結：疫情關係除左堂食，ʟᴇᴛꜱ ᴘᴏᴛ有不同人數嘅火鍋外賣套餐。食物有質素保證得來，就算人數唔多都可以在家試晒佢哋嘅招牌食品。
本地騸牯牛
51 views
0 likes
0 comments
椰子花膠螺片雞湯
35 views
0 likes
0 comments
椰子花膠螺片雞湯
12 views
0 likes
0 comments
特色丸子
15 views
0 likes
0 comments
手工餃子
20 views
0 likes
0 comments
本地有機蔬菜盤
22 views
0 likes
0 comments
西班牙黑毛豬
12 views
0 likes
0 comments
五頭南非鮑魚
12 views
0 likes
0 comments
自家炸魚腐
9 views
0 likes
0 comments
水雲麵
8 views
0 likes
0 comments
Post
