囍碟 (Closed)

利東街重建搞得幾好，本來離地鐡站一段路，又無咪街行，但食肆吸引，有麵包咖啡雪糕店，有酒吧餐廳，符合我梳乎要求。今日趁著星期六非上班日，特別約住新界的朋友來見識，在 Hei House 呢間供應南亞食品的酒吧餐廳hea吓，周末的東南亞特點似點心細細份。樓上才是餐廳，裝潢特別。第一眼就被冬蔭蝦多士吸引了，一客兩件，酥炸餡料都多，但無咪冬蔭公味，醮醬似沙律醬，酸酸甜甜咁，算好食。另一道吸引我的，馬六甲海南雞飯，因為去過馬六甲旅行，有感情，嗰度啲飯係飯球，唔係一碟飯，好有特色，可能難做，唔見其他地方有。黃的油飯，感覺良好，雞肉已經去骨，皮爽肉滑，三款醬正宗，有馬來風味，好食。飲咗杯cocktail 叫 Hei-Ria，用紅酒丶日本清酒及菠蘿汁調的，酒精不多，果汁味重，中午飲唔會醉。