Video
Read full review
2022-12-08
146 views
第一次黎ULURU食野，一入門口已經覺得好似踏身另一國度咁，由地下既門面開始，一路沿樓梯上一樓，入到店鋪內，周圍都係黑白風格，仲有種手繪漫畫風。其實淨係係度影相打卡都已經可以hea好耐😂入到去入面好大有好多位，感覺好舒服而且好impressed我既係，呢度既店員好熱心同埋真係好友善，佢地好快會留意到我地有咩需要，即刻serve我地～斟水都斟得好勤力。覺得呢度既環境真係好舒服同埋好特別，見到好多人都會黎呢度慶生或者慶祝節日，下次都可以黎試下，都真係幾啱既好覺得😄 1️⃣Shrimp Focaccia（$138） 西班牙紅蝦刺身配上蕃茄莎莎，加上多士一齊食，作爲前菜同朋友一人一件唔錯～ 2⃣️士多啤梨焗豬肋排骨（$268） 都幾大件。豬肋骨幾入味，而且都易切～味道甜甜地😋仲有跟薯條。佢地既薯條係粗切既，均勻沾上香辣味粉，就咁食都又脆又惹味～可以點埋茄汁食。 3⃣️ULURU特色燒肉拼盤（$338） 有肉眼、豬柳、雞扒、香草腸。份量好多！應該多啲人share呢個會比較好。肉眼煎得啱啱好！食落仲有肉汁～仲附上燒汁可以配黎食。一啲都唔會感覺乾或者韌。另外豬柳、雞扒都算嫩滑。呢個都一樣有跟薯條。 4⃣️是日
1️⃣Shrimp Focaccia（$138）
西班牙紅蝦刺身配上蕃茄莎莎，加上多士一齊食，作爲前菜同朋友一人一件唔錯～
2⃣️士多啤梨焗豬肋排骨（$268）
都幾大件。豬肋骨幾入味，而且都易切～味道甜甜地😋仲有跟薯條。佢地既薯條係粗切既，均勻沾上香辣味粉，就咁食都又脆又惹味～可以點埋茄汁食。
3⃣️ULURU特色燒肉拼盤（$338）
有肉眼、豬柳、雞扒、香草腸。份量好多！應該多啲人share呢個會比較好。肉眼煎得啱啱好！食落仲有肉汁～仲附上燒汁可以配黎食。一啲都唔會感覺乾或者韌。另外豬柳、雞扒都算嫩滑。呢個都一樣有跟薯條。
4⃣️是日餐湯（套餐+28）
餐湯係粟米湯，食到好多粟米粒粒，味道好香濃～仲有配上多士～
5⃣️富士芝櫻祭 - 丸久小山園抹茶Tiramisu（$118）
好似富士山咁既造型，上面仲有個迷你鳥居🤩好靚。由mascaphone cheese同埋焙茶手指餅做成，面頭再灑上左小山園綠茶，整體甜度唔會太甜，口感係幾滑幾creamy既～個底仲有好多曲奇碎碎裝飾。
6⃣️嚕嚕米 - 森の家（$128）
呢度既甜品造型都真係好用心😍呢個整到成個蘑菇咁🍄好得意～面層既朱古力脆片包住入面既草莓乳酪同埋草莓果茸，好有驚喜！個底係好似泥土既曲奇碎，仲有蚯蚓形狀既朱古力同埋食用花，成個甜品又靚又好食！淨係攞住黎影相都可以影好耐✨
7⃣️Lavender Dream（套餐+$28）
幾清爽。飲落係有薰衣草同玫瑰既花香😌灑上左啲薰衣草花係面，同埋擺左一粒荔枝係杯邊～
8⃣️Tiramisu Coffee（套餐+$28）
另一杯佢地既signature drink。杯邊痴上左啲朱古力碎🍫咖啡飲落好香，帶朱古力既味道但係唔會太甜，好飲！
嚕嚕米
27 views
0 likes
0 comments
富士芝櫻祭
21 views
0 likes
0 comments
shrimp focaccia
65 views
0 likes
0 comments
lavender dream
33 views
0 likes
0 comments
士多啤梨焗豬肋排骨
25 views
0 likes
0 comments
ULURU特色燒肉拼盤
83 views
0 likes
0 comments
Post
