La Moo Moo' s Steak and Fries

Open Now

Now Closed

收工嚟到灣仔，突然好想食西餐，搵到呢間喺軒尼詩道239號上面嘅一間美式餐廳。裝修環境非常舒服，典型美式風格餐廳🙆🏻‍♀️嚟到梗係要試吓啲招牌菜式。先來一客簡單開胃César 沙律，生菜入口嗦嗦聲，非常新鮮。當然唔少得叫佢哋嘅美國黑安格斯級頂級肋眼牛排,我哋叫咗7成熟，肉質極佳細嫩彈牙，肉汁非常澎湃，配上簡單燒汁，入口真係冇得輸，再加上薯條非常香脆，熱辣辣。正！佢哋仲有Happy hour嘅優惠,可以買一送一，點Stella Artois啤酒相當合適，清爽順口，完美補充呢頓美式嘅classic 晚餐。最後，當然唔少得叫甜品，熔岩巧克力蛋糕配雲呢拿雪糕，絕對係嚟呢度必試嘅甜品，蛋糕外層輕脆,切開之後流出濃郁香滑嘅巧克力醬，再點一口雲呢拿雪糕嚟食，絕對係非常滿足。