金紫荊粵菜廳 (Closed)

2015年新開始，第一個目標就係建立我的blog，寫下我雙毒（獨＋毒）的一生。第一篇就寫個食評作開始。之前寫麥玲玲既推介，佢係咁影講過呢金紫荊粵菜廳不錯，又有景又安靜食物有水準，所以決定一試。呢度係會展的尾端， 有落地玻璃看到金紫荊， 環境不錯。人不多，仲好，靜靜地。點了好幾樣點心一小菜一主食, 和甜品。點心中，印象最深刻的是龍蝦餃，比米芝蓮一星的紫玉蘭好多了！龍蝦彈牙，口感爽身。皮厚薄剛剛好，不太黏，咁大隻拿起時也沒有爛 。 推介！記憶中，點心好像叫了蝦餃， 但味道普通。 抄銀針粉都係普通，份量不大。小菜點了胡椒浸星斑, 內有酸菜，星斑是有炸過的，湯有胡椒味，不過不失。（沒有影相）甜品點了蛋撻（ 點心紙寫住推介），和蛋白杏仁茶。蛋撻是熱的，皮是cookie皮，薄薄的，蛋甜度可以。因為size細，好難食得出有冇蛋香，此品ok，沒有驚喜。最後蛋白杏仁茶都係普通，有杏味，有蛋白。甜度都係可以接受的。食物呢度都算可以，是有水準的，會有下次的。但人手不夠，服務員不足，餐廳要留意下。