Video
Read full review
2009-05-11
29 views
前日(9-5-2009 Sat)同男友離開外婆家諗食咩?佢話o係屯門市中心搵,我答o係商場內o既都只係o個啲咩集團式食店,冇特別,於是諗起前年同女友人R o係元朗呢間燒味店, http://www.openrice.com/restaurant/reviews.htm?shopid=8771&page=3.男友答應,就特登坐西鐵入o黎.o黎到,都只係就o黎7:00pm,出邊已有人排隊買外賣,出邊有一,兩枱客,入面仍未有,男友揀坐入面,今次我點都要試出名o既燒鵝髀o架喇,所以心急地問亞姐有冇燒鵝髀?亞姐答有.嗯好好我要燒鵝髀瀨,切開.男友睇到鵝胸雙拼飯係$42.00,就叫鵝胸燒肉飯,我叫多一個$12.00o既油菜,要菜心.亞姐仍會問要豉油家蠔油,我答豉油.然後睇返單,原來我o既鵝髀瀨要成$62.00,真係貴.之後男友又要多個$10.00o既青檸七喜.好快,o野食到o黎,好彩啲燒味會分開上,重有椰菜墊底,幾好喎.而鵝髀真係好大隻.影完相就食喇,我先試燒肉,燒肉皮唔太脆,半肥瘦,略鹹.而鵝髀o既皮冇想像中咁脆,點會咁o架?有啲失望,而肉係正常軟,唔太肥,OK.咁又試吓男友o既鵝胸,呢個o既皮
男友答應,就特登坐西鐵入o黎.
o黎到,都只係就o黎7:00pm,出邊已有人排隊買外賣,出邊有一,兩枱客,入面仍未有,男友揀坐入面,
今次我點都要試出名o既燒鵝髀o架喇,所以心急地問亞姐有冇燒鵝髀?亞姐答有.嗯好好我要燒鵝髀瀨,切開.男友睇到鵝胸雙拼飯係$42.00,就叫鵝胸燒肉飯,我叫多一個$12.00o既油菜,要菜心.亞姐仍會問要豉油家蠔油,我答豉油.
然後睇返單,原來我o既鵝髀瀨要成$62.00,真係貴.之後男友又要多個$10.00o既青檸七喜.
好快,o野食到o黎,好彩啲燒味會分開上,重有椰菜墊底,幾好喎.而鵝髀真係好大隻.影完相就食喇,我先試燒肉,燒肉皮唔太脆,半肥瘦,略鹹.
而鵝髀o既皮冇想像中咁脆,點會咁o架?有啲失望,而肉係正常軟,唔太肥,OK.
咁又試吓男友o既鵝胸,呢個o既皮脆啲喎,唔通呢隻新鮮啲?
而瀨粉OK,接近腍,湯仍好味.原來呢o度有米粉同米線,不過唔知點解會覺得食飯或瀨粉會夾啲.
菜心都到o黎喇,男友話好好,油菜係熱o既,因出面好多都係放涼o左,唔錯喎.
而青檸七喜我都好奇地試吓,都冇咩特別吖.
我又睇吓張單,點解男友o既雙拼飯會係$45.00 o既?又唔係用碟上,我諗,因為拼燒肉係貴啲,男友o岩o岩睇到燒腩鵝胸飯係$45.00.啊,原來係咁.
服務:
太忙,完全唔記得畀茶我o地.
老闆娘收錢都唔得閒數,佢只有信客人,好彩我冇計錯數啫.
衛生:
地下有啲跣,因為啲燒鵝由自己工場攞出o黎時,會令到地面有油.,所以要小心.
環境:
有幾部冷凍機同風扇,但我坐o既死角位,會被坐門口o既客人擋o左冷氣,所以會熱啲.當佢走o左就回復正常.
其他:
我o地由未夠7點坐低,至食完差唔多7:30pm,就睇到有幾隻燒鵝拎出去,客人源源不絕,舖內店外都已經坐滿人,外賣人龍都未斷過.師傅斬到唔停手.
燒鵝價錢:
全隻應該係$265.00
半隻$135.00
上裝$65.00
下裝$80.00
燒鵝髀$60.00
鵝頭$10.00
唔記得例牌幾多.
PS: 上次R飲o既涼茶,原來係佢o地自家製o既五花茶.
Post
