Video
Read full review
2022-05-18
58 views
喺堅尼地城嘅厚和街有好多食肆林立，我地揀咗間好有日本居酒屋風味嘅餐廳，佢叫曜謨串燒居酒屋！除咗喺外面經已好有日本風味之外，入面用咗好多好有日本風味嘅畫作作裝飾，令人有種置身於日本居酒屋嘅感覺。西班牙青椒仔：較日本嘅會大隻啲，食落完全唔辣，青椒嘅味道更為突出。鱈魚乾：鱈魚乾火候控制得宜，仍能食到少少魚肉嘅口感，唔會太乾身，蘸埋美乃滋就更能提昇魚乾嘅味道。燒雞冠：佢哋其中較為特別嘅串燒，口感脆脆，完全食唔到有雞嘅腥味。燒牛脷心：用一條牛脷中間嘅位置，牛味會較濃，再配以厚切，所以口感會更好。燒雞翼：雞翼燒得外脆內嫩，外皮呈完美嘅金黃色，內裡仍然保留滿滿嘅肉汁。燒扇貝：扇貝夠哂大隻，好新鮮，食到扇貝嘅鮮甜味，肉質爽口彈牙，仲有陣陣炭火嘅香味。燒羊肉串：燒得好香口，肉質仍然嫩滑，調味得宜令其無咗羊肉嘅膻味。燒豆腐卜：喺上面加咗秘製醬汁，更加惹味燒白鱔串：白鱔夠哂肥美，其口感夠哂彈牙，外皮非常香脆，令人一食上癮。飯團：兩款口味嘅飯團分別係明太子同埋三文魚，佢哋嘅飯團均都會將外皮燒得香脆，使其口感會更為豐富，而前者有明太子嘅咸鮮味，而後者有三文魚嘅魚鮮味。佢哋仲有提供日本嘅啤酒，食串燒最啱就係飲返杯
除咗喺外面經已好有日本風味之外，入面用咗好多好有日本風味嘅畫作作裝飾，令人有種置身於日本居酒屋嘅感覺。
西班牙青椒仔：較日本嘅會大隻啲，食落完全唔辣，青椒嘅味道更為突出。
鱈魚乾：鱈魚乾火候控制得宜，仍能食到少少魚肉嘅口感，唔會太乾身，蘸埋美乃滋就更能提昇魚乾嘅味道。
燒雞冠：佢哋其中較為特別嘅串燒，口感脆脆，完全食唔到有雞嘅腥味。
燒牛脷心：用一條牛脷中間嘅位置，牛味會較濃，再配以厚切，所以口感會更好。
燒雞翼：雞翼燒得外脆內嫩，外皮呈完美嘅金黃色，內裡仍然保留滿滿嘅肉汁。
燒扇貝：扇貝夠哂大隻，好新鮮，食到扇貝嘅鮮甜味，肉質爽口彈牙，仲有陣陣炭火嘅香味。
燒羊肉串：燒得好香口，肉質仍然嫩滑，調味得宜令其無咗羊肉嘅膻味。
燒豆腐卜：喺上面加咗秘製醬汁，更加惹味
燒白鱔串：白鱔夠哂肥美，其口感夠哂彈牙，外皮非常香脆，令人一食上癮。
飯團：兩款口味嘅飯團分別係明太子同埋三文魚，佢哋嘅飯團均都會將外皮燒得香脆，使其口感會更為豐富，而前者有明太子嘅咸鮮味，而後者有三文魚嘅魚鮮味。
佢哋仲有提供日本嘅啤酒，食串燒最啱就係飲返杯啤酒。
甜品：今日係椰子雪糕，上面仲有香甜嘅紅豆，椰子雪糕入面仲有一絲絲嘅椰肉，口感會更豐富之餘，椰子味變得更加香濃。
Post
