心事如塵茶食亭 (海暉大廈) (Closed)

今日去咗鰂魚涌嘅心事如塵茶食亭。呢間餐廳喺鰂魚涌地鐵站B出口，行過行人天橋就到㗎啦，非常方便。喺芬尼街，餐廳門口有一個白色嘅招牌，好顯眼，係一舊塵嘅卡通公仔，好得意㗎。有小食例如餅乾，台式飲品，仲有幾款飯買。我叫咗個巨塵套餐，係有一個牛肉丼飯配牛油果合桃沙律，另外再加一杯台式飲品，叫咗排毒果蔬類嘅紅火龍果蘋果汁。呢杯果汁我叫咗走冰無糖，雖然無糖但係因為用料新鮮，飲落去非常之舒服，飲得生果原來的味道，非常清新啊。至於牛肉丼飯就不過不失啦，堂食嘅關係，聽到有熟客來外賣要超多汁丼飯，我諗住下次都會叫超多汁，因為本身個汁實在太少喇。