Video
Read full review
2024-03-27
136 views
.就算係好微小既念頭，如果因為鍾意或者見到件事會帶比人滿足感，而堅持去做，會唔會有大改變呢？🩷.之前聽過讀中大朋友講過中大有間【小念頭】，最近都有挖掘荔枝角區既小店，今次去既餐廳都幾有諗頭，開係工廈，咁難得就去睇睇係點樣。一去到，Sundae就feel到空間好闊落，色調偏暖色調，近門口位仲有smile笑面裝飾☺️有植物，係行小文青+溫馨家具風。見到有廁所，覺得幾驚喜，貫徹去餐廳/cafe都會睇廁所既習慣，順便去睇睇，乾乾淨淨規規矩矩，廁所外面係綠色既裝飾，都係溫馨文青風，都有驚喜。啱好係下午時間，坐係窗口位，真係幾寫意🛋️—————————————————————講返食物，Sundae鍾意食肉，又啱好肚餓，都想睇睇日式嘢整得好唔好食，所以叫左牛仔粒配牛汁金針菇飯，加埋雞軟骨小食，嘢飲係熱鐵觀音。再加埋鐵觀音芝士蛋糕，跟餐加配都只係+$36，性價比算唔錯。牛仔粒飯份量比想像中大，蔥粒蒜片比得好足，有種家常媽媽煮既感覺，蒜片唔係脆果type，Sundae對蒜片冇咩特別，夾左兩三片夾肉食，係幾正既。牛仔粒食到底果陣係多d汁既，吸收左牛汁係最香既，鍾意食肉既人會好開心，飯加左金針菇碎係面都會冇咁乾
就算係好微小既念頭，如果因為鍾意或者見到件事會帶比人滿足感，而堅持去做，會唔會有大改變呢？🩷
.
之前聽過讀中大朋友講過中大有間【小念頭】，最近都有挖掘荔枝角區既小店，今次去既餐廳都幾有諗頭，開係工廈，咁難得就去睇睇係點樣。一去到，Sundae就feel到空間好闊落，色調偏暖色調，近門口位仲有smile笑面裝飾☺️有植物，係行小文青+溫馨家具風。見到有廁所，覺得幾驚喜，貫徹去餐廳/cafe都會睇廁所既習慣，順便去睇睇，乾乾淨淨規規矩矩，廁所外面係綠色既裝飾，都係溫馨文青風，都有驚喜。啱好係下午時間，坐係窗口位，真係幾寫意🛋️
—————————————————————
講返食物，Sundae鍾意食肉，又啱好肚餓，都想睇睇日式嘢整得好唔好食，所以叫左牛仔粒配牛汁金針菇飯，加埋雞軟骨小食，嘢飲係熱鐵觀音。再加埋鐵觀音芝士蛋糕，跟餐加配都只係+$36，性價比算唔錯。
牛仔粒飯份量比想像中大，蔥粒蒜片比得好足，有種家常媽媽煮既感覺，蒜片唔係脆果type，Sundae對蒜片冇咩特別，夾左兩三片夾肉食，係幾正既。牛仔粒食到底果陣係多d汁既，吸收左牛汁係最香既，鍾意食肉既人會好開心，飯加左金針菇碎係面都會冇咁乾身同膩，多層口感。同埋個醬好特別，係少少酸同清新既口感，第一啖配肉好驚豔，同埋仲有大大塊檸檬配埋可以擠汁落牛肉度，細節位Sundae覺得係過到挑剔既自己果關。
蛋糕反而係Sundae更加期待既，因為小念頭係由做蛋糕起家，蛋糕一定有過人之處，臨走前都見到有客人特登黎買生日蛋糕🤭Sundae唔想食太凍既嘢，都唔想食太甜，特登叫左口味清新既鐵觀音芝士蛋糕即起，食完飯再食個蛋糕，都特登想睇睇蛋糕冇咁凍之後keep唔keep到個水準。（溫馨提示：蛋糕都係叫後上會比較好）
送上黎既時候見到有幾粒果凍咁既嘢舖面都覺得幾得意，係有少少入口即溶既口感，唔係果種普通啫喱，個人係鍾意既，係蘋果味，食芝士有d膩既話可以食兩粒中和下。面果層係鬆身既mousse，鐵觀音茶味好濃，甜度會中和陣茶澀味，同埋味道上唔會澀，甜度上Sundae覺得算係中度，未到真係茶味勁濃然後澀果種，如果係鍾意食澀茶味+少甜既朋友建議食另一款🤣或者飲呢度既鐵觀音茶🍵Sundae覺得第二層係最欣賞既，因為擺左都幾耐先食，佢係冇變形依然好實淨，同埋係香濃既；底層係餅底，配埋隔離既硬餅碎好好食🥰硬餅碎都灑左幾多，feel到份量上面係大方既。
另外都有外賣左一份伯爵茶戚風配糖漬蘋果比朋友食，之後都會想黎試試巴斯克蛋糕，有奶蓋既款都幾吸引🤩
總括而言，Sundae覺得呢度係工廈區黎講空間同環境已經有優勝，裝潢同各種細節係唔錯，食物方面feel到係有心機，性價比方面可以做到附近返工一族既飯堂，lunch或者dinner黎呢度同同事朋友傾計食嘢，真係好寫意🥰
—————————————————————
🍱和風煎牛仔粒 配 牛汁金菇飯 ｜ 🩷 hkd 139
（加配 唐揚雞軟骨 hkd 20）
🍰鐵觀音芝士蛋糕 （加配價） ｜ 🩷 hkd 36
（正價 hkd 46）
//
🩷味道：8/10
🩷新鮮程度：8/10
🩷環境：8/10
🩷服務：7.5/10
🩷設備齊全程度：8.5/10
🩷回頭率：8/10
Post
