Video
Read full review
2023-10-09
93 views
在油尖旺區約食飯，方便食飽飽各自歸家就大家都知啦；但對於港島區既，始終都係相隔咗個維港，咁就變咗喺港島區嘅銅鑼灣就方便得多啦！銅鑼灣猶如旺角，對住在南區既她，或東區既小妹，就係最就腳啦😚小妹同朋友仔都在港島番工，咁約食晚飯好自然地選擇到銅鑼灣呢區，今次揀咗位於聖保祿學校後面既希雲街，街內有間氣氛幾好既西餐廳《Sleepless》，餐廳有隻主題公仔架，就係貓頭鷹🦉❣️小妹記得好耐之前都嚟過呢度食嘢，不過個名唔係Sleepless ，睇番OpenRice先知前身係Cafe R&C😲雖然舖頭細細，但店內氣氛好溫馨浪漫🌹，幾適合情侶或好友聚會，餐點方面除咗嗌晚市套餐之外，仲可以叫杯飲品加個小食，享受下都得！今次小妹同朋友叫咗晚市套餐，因為二人同行有八八折☺️套餐包括：▪️頭盤～香煎法國鵝肝配黑醋芒果沙沙上方番茄洋蔥碎、香煎鵝肝、底下香脆多士，食落口感居然似食漢堡包🍔，重點係個多士好好食呀！▪️是日湯品～▫️▫️蘑菇湯手打蘑菇湯，即使冇落到忌廉都濃郁好味👍🏻👍🏻▫️▫️海鮮湯唔記得咗叫乜嘢海鮮湯🤭但係飲落清甜美味🤤▪️主食～▫️▫️墨魚汁香煎刺身級帶子意大利飯墨魚汁濃郁含墨魚肉，但帶子過熟同細粒😅朋友食緊帶子飯時咬到
小妹同朋友仔都在港島番工，咁約食晚飯好自然地選擇到銅鑼灣呢區，今次揀咗位於聖保祿學校後面既希雲街，街內有間氣氛幾好既西餐廳《Sleepless》，餐廳有隻主題公仔架，就係貓頭鷹🦉❣️小妹記得好耐之前都嚟過呢度食嘢，不過個名唔係Sleepless ，睇番OpenRice先知前身係Cafe R&C😲
雖然舖頭細細，但店內氣氛好溫馨浪漫🌹，幾適合情侶或好友聚會，餐點方面除咗嗌晚市套餐之外，仲可以叫杯飲品加個小食，享受下都得！今次小妹同朋友叫咗晚市套餐，因為二人同行有八八折☺️套餐包括：
▪️頭盤～香煎法國鵝肝配黑醋芒果沙沙
上方番茄洋蔥碎、香煎鵝肝、底下香脆多士，食落口感居然似食漢堡包🍔，重點係個多士好好食呀！
▪️是日湯品～
▫️▫️蘑菇湯
手打蘑菇湯，即使冇落到忌廉都濃郁好味👍🏻👍🏻
▫️▫️海鮮湯
唔記得咗叫乜嘢海鮮湯🤭但係飲落清甜美味🤤
▪️主食～
▫️▫️墨魚汁香煎刺身級帶子意大利飯
墨魚汁濃郁含墨魚肉，但帶子過熟同細粒😅
朋友食緊帶子飯時咬到唔知係蛋殼定咩，牙仔痛嚇親😣
▫️▫️卡邦尼溫泉蛋扁意粉配海膽忌廉汁
印象深刻😂一上碟就同我講「廚師唔小心打多左隻蛋」溫泉蛋似有少少清酒味及蛋黃凍冰冰，海膽忌廉汁出色靚，醬汁濃厚，可惜兩邊味道都唔太突出。
▪️甜品～花生形馬卡龍
馬卡龍外表唔係平時嘅圓形，而係花生🥜，第一眼望到即刻諗起Spy Family 既安妮亞🤣🤣，味道係朱古味同榛子味，好彩小妹食之前飲咗啖梅酒😆令到馬卡龍冇咁甜，對面嘅朋友就食咗馬卡龍先再飲梅酒，話超甜🤣🤣
▪️飲品～
▫️▫️梅UME
如餐牌所指，好香熱情果&柚子味，梅酒飲落好清新，杯內仲有粒梅子，見到朋友食得好滋味😆
▫️▫️66%加勒比熱朱古力
第一次見到餐廳有咁多種朱古力飲，睇見都開心，為咗諗飲邊款都諗咗少少時間🤭🤭最終決定，呢款烘焙果香，飲落有少少焦香既加勒比朱古力🍫，味道多咗層次，讚🤎🤎🤎
額外加點多一份水牛城脆炸單骨雞翼，比我想像中冇咁辣，但是太鹽同太多醬，而且水牛城醬帶少少酸，朋友話平時既水牛城雞翼係有配乳酪沾醬食，可惜Sleepless無，令到呢款雞翼唔夠完美～可惜可惜！
整體來講，環境服務都好好👍🏻，之不過價錢略貴，食物方面就不過不失，小妹覺得全部野最好食係頭盤，味道似漢堡包嘅香煎鵝肝😍😍
香煎法國鵝肝配黑醋芒果沙沙
11 views
0 likes
0 comments
蘑菇湯
11 views
0 likes
0 comments
海鮮湯
5 views
0 likes
0 comments
墨魚汁香煎刺身級帶子意大利飯
4 views
0 likes
0 comments
卡邦尼溫泉蛋扁意粉配海膽忌廉汁
4 views
0 likes
0 comments
梅UME、66%加勒比朱古力、馬卡龍
5 views
0 likes
0 comments
水牛城脆炸單骨雞翼
4 views
0 likes
0 comments
Post
