Catio

Open Now

Now Closed

返工壓力大，放工想同主子們玩放鬆下，揾到銅鑼灣有間樓上貓café，超方便！平日晚市叫套餐就唔洗收hourly charge。我㨂咗$198嘅前菜+main+飲品，唔洗加一。南瓜甘筍湯有驚喜，南瓜味濃，唔係粉沖出嚟嘅，飲得出有心機整。煙三文魚牛油果飯，仲可以自己㨂醬汁同配菜，我就揀咗芝麻醬同紫菜。煙三文魚份量好多，砌咗做花花，加上完個牛油果，好fresh又健康。朋友叫咗卡邦尼意粉，伴碟仲有啲沙律菜。所有碗碟都有貓貓公仔，勁cute呀！飲品勁多選擇，我揀咗台灣木瓜奶👍餐廳佈置溫馨，每隻貓貓都有自己嘅名，花姐好活潑，仲望住把遮以為係逗貓棒店員好有禮貌，環境衛生，入面前都有消毒同腳套。