baby Mon cher (Closed)

"情人節快樂"情人節唔一定送心型朱古力先叫sweet, 另一半送上我最愛既食物先係最知我心意.   抺茶控收到一大條抺茶堂島卷+一件雙層芝士蛋糕, 即刻來個情深擁抱.  第一次食Mon cher既堂島卷, size比起我愛既cha-no-wa更大。  蛋卷面灑上抺茶粉遮蓋蛋糕卷的啡色外皮，要讚冷藏後抺茶粉沒有受潮，仍保持青綠粉狀。中間填滿著抺茶紅豆忌廉餡, 和蛋糕卷比例近乎2:1.   切這蛋糕卷不能粗魯，可用前端既玻璃紙輕傍忌廉餡切下就能保持形狀。蛋糕質地雖未及cha-no-wa既海棉新鮮，但仍帶軟熟及淡淡茶香。忌廉餡輕身軟棉，大大啖入口即溶，似是加入打起既蛋白，茶味香濃但不至於甘苦。灑面既抹茶粉帶回甘是整體既精髓。但評分都是cha-no-wa既茶味較突出。雙層芝士蛋糕 - 最驚喜! 上層白色像忌廉，北海道奶味重比抹茶忌廉更軟滑更像軟雪糕，溶在口軟在心。下層黃色口感順滑不糊口，芝士味較濃像日式焗芝士蛋糕。甜度剛好，食完整件都唔覺膩。