Video
Read full review
2021-10-13
1314 views
疫情下，有啲朋友好耐無見，好似有一班舊中學同學，每年都搞一、兩次大聚會，話大聚會其實都喺剛好一圍枱，不過，已兩年無見過。依家疫情緩和咗好多，大家出嚟都安心咗少少，但喺，大圍人嘅聚會都未太敢搞，反而，小飯局就感覺好啲，所以，約咗兩個舊同學先嚟個小飯局，聚一聚，所以，造就今日晌「The Salted Pig」食餐晏仔。因為小弟家住美孚，嚟D2 Place真喺就晒腳，之前都有好幾次嚟呢頭食飯，而「The Salted Pig」就第一次到訪，因為佢唔喺商場內，走漏眼，差啲成為滄海遺珠。餐廳環境感覺非常之好，地方大，樓底高，空間感強，座位又闊落，我哋坐晌右邊卡位，更感舒適。雖然喺日頭嚟，都柔和嘅燈光下，都有氣氛架。此外，店內有唔少跟店名關聯嘅裝飾、配置，感覺都幾特別，而餐碟亦印有豬嘅不同部份，都幾得意，刀叉亦睇得出喺有級數嘅上等貨。晌周末日子，午市提供「早午餐」套餐，選擇非常之多，一人餐而言，由$68-$188，包基本餐飲，但可以加錢轉其他飲品，此外，亦可加$28升級要多一份餐湯或前菜。為照顧到家庭客，仲會提供兒童餐，每款都喺$58，包一杯果汁。如果「早午餐」嘅菜式唔啱口味，仍然可以晌散點餐牌中
因為小弟家住美孚，嚟D2 Place真喺就晒腳，之前都有好幾次嚟呢頭食飯，而「The Salted Pig」就第一次到訪，因為佢唔喺商場內，走漏眼，差啲成為滄海遺珠。餐廳環境感覺非常之好，地方大，樓底高，空間感強，座位又闊落，我哋坐晌右邊卡位，更感舒適。雖然喺日頭嚟，都柔和嘅燈光下，都有氣氛架。
此外，店內有唔少跟店名關聯嘅裝飾、配置，感覺都幾特別，而餐碟亦印有豬嘅不同部份，都幾得意，刀叉亦睇得出喺有級數嘅上等貨。
晌周末日子，午市提供「早午餐」套餐，選擇非常之多，一人餐而言，由$68-$188，包基本餐飲，但可以加錢轉其他飲品，此外，亦可加$28升級要多一份餐湯或前菜。為照顧到家庭客，仲會提供兒童餐，每款都喺$58，包一杯果汁。
如果「早午餐」嘅菜式唔啱口味，仍然可以晌散點餐牌中落手，且有更多店家嘅招牌菜式，不過，圍起價錢就貴咗一截，有機會留番晚市先嚟試。
飲品方面，除汽水、果汁、啡茶之外，仲供應唔同嘅酒品，以及多款雞尾酒特飲。不過，食個早午餐啫，又怪返少少，兩位舊同樣都喺飲番基本嘢嘅凍檸茶，小弟就加錢試試佢哋嘅特色咖啡。
水果沙律 +$28我哋叫三個餐，但加咗一個前菜及一個湯嚟「些牙」，因為問話啲份量都唔少。先分享個水果水沙律，有菠蘿、士多啤梨、藍莓、火龍果、無花果，全都喺新鮮貨，所以，份外鮮甜，作為開場，喺幾好嘅選擇。
是日餐湯 +$28餐湯就喺煙肉薯仔湯，嚟到果然真喺幾大碗，仲伴有一片酸種，絕對夠兩個人享用，三個嘅話，大家都分到大半碗飯碗仔架。入口好有煙肉嘅煙燻香，又帶有少少薯仔味，味道方面唔錯，不過，我哋大家都一致認為質感就稀咗啲。
賓尼迪蛋 $118賓尼迪蛋可以揀配巴馬火腿、牛油菠菜或煙三文魚，小弟就較為好火腿。兩隻水煮蛋煮得啱啱好，蛋漿勁流心，而面頭嘅荷蘭汁酸酸甜甜，仲睇到師傅用火槍燒一燒過。酸種包、巴馬火腿、水煮蛋呢個組合，真喺百吃不厭。但如果伴菜加多少少嘢，如烤車厘茄、炒雜菌，睇上嚟就更有睇頭啫！
賓尼迪蛋
$118
4 views
0 likes
0 comments
英式早餐 $158舊同學之一就要一份全日早餐，因為佢話平常較少食，除有相睇，餐牌都列明有咩，包括炒蛋、英式香腸、煙肉、黑布丁、炒雜菌、蕃茄、烤薯、茄汁焗豆及多士，大堆頭堆埋一碟，同學話未食睇見都興奮。整體嚟講，用料及製作都唔差，用上英國腸，又加入黑布丁，夠地道，多士又烘得脆口。
英式早餐
$158
12 views
0 likes
0 comments
除有兩大件炸魚之外，仲伴有大量炸薯條、他他醬及烤檸檬，只喺一道炸魚薯條都唔馬虎。同學話啲炸魚非常好食，魚柳好有魚鮮味，脆漿又薄又脆，最緊要唔油膩，唧下檸檬汁，再沾些他他醬，食味一流，而薯條亦都喺脆口不膩。
經典英式炸魚薯條
$188
7 views
0 likes
0 comments
舊同學嘅凍檸茶就唔講嘢，而小弟轉飲鮮奶咖啡，不過，似杯意式泡沫咖啡多啲。入口嘅口感都喺，基本上奶泡喺無撞入啲濃縮咖啡度。雖然，完全無鮮奶咖啡嘅神髓，但當喺意式泡沫咖啡，感覺上都OK嘅，幸而，佢啲咖啡底本身都香醇。
瘋狂！香蕉雪糕新地 $88最後大家胃納仲有啲位，追加一客甜品「些牙。」無諗過個份量咁巨型，睇見一刻真喺有啲瘋狂嘅感覺，杯內以朱古力雪糕及雲呢拿雪糕做底，再加上香蕉、窩夫，唧滿鮮忌廉後，再加啲士多啤梨做裝飾，最後淋上朱古力漿，賣相睇見都想快啲食。喺啲雲呢拿雪糕溶得太快，其他嘢點配搭都好食，食完真喺令人開心好多。
瘋狂！香蕉雪糕新地
$88
3 views
0 likes
0 comments
大家都太耐無見，雖然都有晌群組中保持交流，但點都唔及見個面，食餐飯，一傾就傾咗兩個幾鐘，希望疫情快啲退晒，大圍人出嚟聚一聚。
Post
