楓．新日本料理 (Changed Hand) New Restaurant

住了土瓜灣咁耐都唔知有高檔日菜係屋企附近。看過幾個食家的相後，學佢地試下食，最想食藍龍蝦。冰菜沙律真係好大碟，我好鐘意。鯛魚湯，白到好似中式魚湯咁，好鮮甜。朋友話呢度刺身併盤好抵食，為左主角藍龍蝦，仲有帶子，象拔蚌，三文魚，油甘魚，劍魚，樣樣都唔係平野。藍龍蝦刺身絕對係得，比波士頓龍蝦多的甜美，就算蝦膏都特別藍過人。芝麻雞翼，大量的芝麻係雞翼上面，炸得火喉夠，好味道。鹽燒香魚，呢個魚非常少見，想像不到這個地方有咁地道的魚食，魚皮燒得好香好脆，肉又多，不過有點多骨，食要小心。最後的以藍龍蝦的部分來煲粥，非常完美，連粥都有勁甜的鮮味。