御名園

Open Now

Now Closed

收到消費券同爸爸去食餐好，爸爸鍾意食中餐。呢間中餐好岩一家大細去食，因為款式又多，而且質素仲好高。餐牌上好多套餐都好抵，又有海鮮又有小菜，價錢都幾抵食，親民價。我地揀左個晚市組合A,可以揀蒸帶子或聖子，仲有好多款小菜可以揀。好吸引。我哋最後揀左粉絲蒸聖子，之後再揀多個小菜，就揀了菠蘿咕嚕肉。首先講下個聖子，份量都好多架，有四大隻，每隻都好大隻好多肉，不是瘦瘦的，啖啖肉好鮮好味，粉絲底份量都不少，而且仲吸曬聖子既鮮味，成個粉絲都好好味。好吸引。另外個小菜都好正，菠蘿咕嚕肉，賣相金金黃黃，酸酸甜甜好開胃好好味。咕嚕肉炸得脆脆，外面又有汁，甜甜酸酸，正。份量都唔少，有超多粒，好味。入面仲有菠蘿、三色椒，成個餸都好開胃。另外同爸爸仲點了一份燒鵝例牌，燒鵝啖啖肉，肉厚，皮都脆脆地。好香，唔錯唔錯，個例牌份量都唔少，我同爸爸兩人食都覺得份量好多。但真係好好味，好正。仲有不得不提呢個六頭鮑魚。$38一份，相當抵，鮑魚size都不細，仲有大大既冬菇，味道好濃好正，唔錯。用刀叉慢慢品嘗隻鮑魚，正，啖啖肉好好咬，唔錯。呢晚爸爸食得好開心，食物質素唔錯。