鋼管廠五區小郡肝串串香 (Closed)

之前番大陸玩都知道尼間鋼管廠五區小郡肝串串香好hit!不過一直未有機會試，所以今次特登拉男友黎食！尼度人流真係好旺，我地等左45分鐘左右先有位，喺門口就聞到好香。尼度既位係迫左少少，不過都坐得OK舒服。用嘅餐具重好特別！坐低就立即叫左杯竹蔗水，清甜解渴。尼度午市同晚市同價，大家可以自便出去拎串串，最後同串串嘅重量計錢，＄75／100g，100g大概係20枝竹纖左右。另外，調味料都係自助調配！湯底方面，我地揀左栗米豬骨鴛鴦鍋、麻辣大紅鍋。栗米豬骨湯唔錯，好夠味，麻辣大紅真係辣得好滋潤，而且辣會慢慢透入喉嚨，愈食愈辣！尼度嘅食法係唔同嘅串串一次過放到鍋度，感覺好豪邁，好正！第一時候拎左我至愛嘅栗米、淮山牛肉、金菇牛肉、魷魚、牛柏葉。魷魚、牛柏葉夾口鮮甜，牛肉類全部都好入味。除左串串外，尼度重有小食、甜品可以點，我地點左個重慶炸酥肉，上枱重係熱辣辣，外層炸到香脆酥，內層軟熟，好滋味。紅糖冰粉係男友至愛，特別係食完麻辣湯底後，顯得格外清甜，透明嘅星冰粉面頭鋪上紅糖漿，冰冰涼涼，又可以滋潤喉嚨！我就揀左紅糖，好鍾意佢上枱時嘅熱度，食落口外脆內軟，煙煙韌韌，上層沾滿紅糖漿，香甜可口。最後食完就拎竹