好燒式串燒專門店 (砵蘭街)

Open Now

Now Closed

未到晚飯時間但又口痕想食些許小食，所以去了附近的串燒店，平時得閒經過都會去食返兩串，十多廿元一串，在旺角區的確幾抵食，而且自己一個人食得唔多，所以叫了幾樣小食。鹽燒牛舌廿幾蚊串但份量十足，牛舌是厚切，而且表面燒至微焦，但咬入去不會太乾，而且很爽口。蒜蓉燒蠔表面舖滿了蒜蓉，蠔肉燒熟後都算大隻，還蒜蓉味濃郁但又不會蓋過蠔肉鮮味，燒熟後還有些蠔汁，即鮮且甜。蒜蓉蟶子下面的金菇吸收了蟶子及蒜蓉味道，十分惹味，而蟶子很新鮮爽口。燒日本芝士年糕每次必點之一，年糕外面帶點脆，裏面半溶芝士，而且煙煙韌韌，又唔會太甜。雖然全部都是十幾廿蚊串，但食下食下就不知不覺食了差不多百多二百元，不過間唔中食幾又係幾滋味既。