豐味窯雞

Open Now

Now Closed

今日阿媽話表姐過嚟食飯，叫我斬料加餸，燒臘嘢食到厭，好在同事介紹話觀塘工業區樓上舖，有間豐味窯雞外賣店，主打窯雞、川式口水雞和蔥香雞，店內窯雞極之美味，因為係即日分段新鮮焗製，係限量發售，最好打電話預訂先去拎。窯雞剛剛熱辣辣出爐，雞隻用咗兩層錫紙包住焗成，客人提取時再用保温袋袋住，拎到返屋企仲係保持到溫度，戴上店家附送嘅手套，打開錫紙，大大隻豐味窯雞就在眼前，除咗有豐富嘅肉汁，仲聞到香噴噴嘅味道，雞肉非常嫩滑，可以用剪刀剪，又或者可以手撕，見到雞的肚內放有洋蔥和調味醬汁，令到雞肉食落好入味。