麻市滋味館 (Closed)

今天有朋自遠方來，移民已10年多的老朋友回來辦點事，順道約埋一班老朋友聚一聚，朋友說香港變了很多，喜歡熱鬧的他，約我們舊地重遊，去了廟街，行到攰就提議找間食店，一邊食晚餐一邊啤一啤，傾下往事，甘岩見一間名叫麻市滋味館，客人都食到津津有味，談笑風生，氣氛好好又熱鬧，我們入座了。脆皮菠蘿咕嚕肉：咕嚕肉入味有口感，外層脆口，味道酸酸甜甜的，好醒胃。椒鹽蒜香鮮魷：外層酥脆，內面魷魚彈牙，椒鹽惹味帶蒜香，十分美味！豉椒鵝腸：鵝腸比較幼身，豉椒醬汁惹味，鵝腸有口感，夾埋芽菜一齊食會比較好吃喔！錦江豆腐煲：尼個有驚喜，豆腐面層煎過，入面超嫩滑，另外還有彈牙的鮮魷和蝦仁等，加上特製濃郁的醬汁，非常惹味，超正！星洲炒米：夠穫氣，大大碟，米粉幼身爽口，配料豐富，有火腿、义燒、韮黃和彈牙的蝦仁。咖哩味帶少辣！啤酒買一送二，非常底飲。芒果布甸：自家製的芒果布甸，店主送的，滑滑的口感，甜度適中，加些花奶更香滑。好味！