黑布小巷

Open Now

Now Closed

呢間隱世小店，行廣華街無意發現，在門口見到係台灣料理，價錢又親民，吸引到我哋即刻入去試吓啦～入到店內，裝修以日式簡約風格設計。這裡以台式輕食為主，主打台式吐司、台式傳統蛋餅、牛肉麵、手工滷肉便當以及台式小食和自家製三色圓糖水等等嘅台式料理。慢烤雞髀肉滷肉便當    $87手工即叫即整嘅便當，食材新鮮又豐富。滷肉味道香濃，雞髀肉好入味，滷水味唔會過鹹，內裏煮得軟嫩有肉汁，加埋粟米、流心蛋、酸菜同白飯係一個豐富嘅便當，越食越滋味。芝士呑拿魚粟米蛋餅    $48口感超豐富嘅蛋餅，每一啖都令人回味。份量好足，裡面好多餡料，溶溶嘅芝士與呑拿魚同粟米完美地融合係一齊，實在係好好食。甜不辣   $38大大塊嘅甜不辣，再沾住甜甜地嘅醬汁，滋味十足。食落口煙煙韌韌得嚟又飽足，真係唔錯。西柚綠茶 $38、巨峰梳打 $38 及 跟餐 +$18 水蜜桃乳酸梳打，三款飲品都透心涼，味道清甜，口感好fresh，非常解渴。