Video
Read full review
2019-01-07
219 views
聖誕過後第一日工，放工約埋拍檔去食飯，佢話好耐無去過台灣，想食下台灣野，大家都諗起不如食台灣牛肉麵！ 咁就約喺尖沙咀金巴利道既地庫鐵牛等！估唔到個門口唔係咁大，落到嚟又別有洞天，樓底高，地方寬敞，檯同檯之間都闊落，餐廳都散發著一陣牛肉味，令人食指大動！餐廳用點心紙型式落單，選擇種類都幾多，有湯麵，乾伴麵，便當，小食等，好多都好吸引落單過後我去左洗手間洗個手，出嚟已經有碗香噴噴，熱辣辣既招牌紅燒牛肉麵已經放左喺度！ 份量十足，大大碗！ 麵底煙韌有口感，湯底帶點微辣，感覺上唔覺有太多味精！講返重點既牛肉，牛肉看起來堅挺，吃起來柔嫩，牛味十足，醬味道非常入味，牛肉帶點甜味！個湯飲下一啖，飲下又一啖，最後都俾我飲晒拍檔就叫左個紅燒牛筋腩乾伴麵，帶點牛筋既牛肉佢話都幾軟稔，煙韌彈牙既麵條加埋酸菜幾開胃！佢話如果酸菜有得自己添就更理想除左麵食外，我哋點會少得叫返d小食，首先有魚酥皮蛋豆腐，香滑既豆腐同皮蛋配上口感爽脆既魚酥片，比起平時食到既皮蛋豆腐多了一重魚香味！另一小食就係我去台灣必食既逢甲鹽酥雞，薄薄既外皮炸得幾香脆，外面帶點椒鹽既香味，雞肉唔會炸到太乾身！ 幾好食！最後一個小食係肉燥小茄子，
估唔到個門口唔係咁大，落到嚟又別有洞天，樓底高，地方寬敞，檯同檯之間都闊落，餐廳都散發著一陣牛肉味，令人食指大動！
餐廳用點心紙型式落單，選擇種類都幾多，有湯麵，乾伴麵，便當，小食等，好多都好吸引
落單過後我去左洗手間洗個手，出嚟已經有碗香噴噴，熱辣辣既招牌紅燒牛肉麵已經放左喺度！ 份量十足，大大碗！ 麵底煙韌有口感，湯底帶點微辣，感覺上唔覺有太多味精！
講返重點既牛肉，牛肉看起來堅挺，吃起來柔嫩，牛味十足，醬味道非常入味，牛肉帶點甜味！
個湯飲下一啖，飲下又一啖，最後都俾我飲晒
拍檔就叫左個紅燒牛筋腩乾伴麵，帶點牛筋既牛肉佢話都幾軟稔，煙韌彈牙既麵條加埋酸菜幾開胃！佢話如果酸菜有得自己添就更理想
除左麵食外，我哋點會少得叫返d小食，首先有魚酥皮蛋豆腐，香滑既豆腐同皮蛋配上口感爽脆既魚酥片，比起平時食到既皮蛋豆腐多了一重魚香味！
另一小食就係我去台灣必食既逢甲鹽酥雞，薄薄既外皮炸得幾香脆，外面帶點椒鹽既香味，雞肉唔會炸到太乾身！ 幾好食！
最後一個小食係肉燥小茄子，茄子幾嫩滑，重點係肉燥幾入味，醬油香味十足，相信用嚟做魯肉飯都會好好味！睇嚟下次要嚟食下便當
最後我哋當然都有叫到飲品，可以坐陣傾下計，我就叫左個芋香珍珠奶茶，芋香味十足，qq有咬口，甜度適中，唔錯！
拍檔就叫左個回甘味十足既冷泡烏龍，佢話茶味清新自然，比平時既烏龍茶更有茶香！
估唔到呢度既台灣美食，質素都唔錯，下次想食台灣野，又多一個選擇！
Post
