Mamaday (Moved) New Location

今日和朋友在尖沙咀到天文台睇展覽，睇完之後試左一間未食過既餐廳。環境玩味十足，四周都係各種好笑的標語，任何一個位置都可以打卡。美利堅合眾國草飼牛扒（$178）首先菜式視覺效果已經有加分，配菜配搭上都幾豐富，有柴魚片配芝麻醬拌烏冬、兩大片蝦餅和雜果沙律，包括香芒、火龍果、藍梅等，附上芥末醬供牛扒配搭食用，牛扒一塊塊整齊切好，肉質粉嫩，牛肉味相當濃郁。點解個個都叫軟殼蟹比薩架（仲要有菠蘿）（$145）軟殼蟹pizza似用薄酥皮餅底，食落都幾香脆，表面鋪滿雙重芝士、蟹柳和菠蘿，中間放著主角 - 原隻軟殼蟹，餅底調味主要甜味為主，配上軟殼蟹的咸香味，整體感覺新鮮。唔好抱咁大期望蒲燒鰻魚蛋包飯（$135）可加$28選擇原條鰻魚，一整塊滑蛋包住米飯，蒲燒鰻魚配上燒汁，味道正正常常，份量都唔少。綠光蓋頂的八爪魚先生（$72）八爪魚切片配上青醬，以冷盤方式上碟，配上火箭菜和海葡萄，做法創新。八爪魚食落有鮮味，海葡萄平時比較少見，有淡淡的海水咸味，能將八爪魚鮮味帶出。