熺會館

Open Now

Now Closed

難得約得齊成班friend食生日飯。當然去返我哋成日去嘅熺會館到打邊爐☺️餐廳嘅座位又大又舒服，而且食物嘅選擇又多。啱晒我哋每個人唔同嘅需要👍🏻因為我哋好多人嘅關係，今次叫咗個鴛鴦湯底（川式麻辣鍋同蕃茄薯仔牛腩鍋）。兩個湯底都非常好味。麻辣湯嘅湯底非常惹味，麻辣嘅味道係個喉嚨到麻返出嚟。非常正！😋蕃茄湯底嘅蕃茄同薯仔味非常濃郁，加埋牛腩，真係超級鮮味😍叫咗湯底之後，當年要叫埋打邊爐嘅餸😍我哋分別叫咗鹿兒島日本黑豚肉 ，熺會館四寶餃 ，鮮製鯪魚滑 ，熺會手打四寶丸同脆炸美味午餐肉等。。。。但我最鍾意嘅係以下呢幾樣！1)鹿兒島日本黑豚肉 - 豬肉嘅厚薄適中。無論配邊個火鍋，都可以食到有好濃郁嘅豬肉味。肉質非常爽口，而且一啲都唔靭。非常好味😋2)熺會館四寶餃 - 餃子好大粒，睇得出好足料！而味道鮮甜多汁。好容易食到停唔到口😋3)鮮製鯪魚滑 - 魚滑非常彈牙，而且一啲都唔醒。味道非常鮮甜。完全食得出廚師用嘅魚好新鮮👍🏻4)熺會手打四寶丸 -又係每次必叫嘅嘢食之一！全部嘅丸都係自家製！味道都非常鮮甜，肉質非常彈牙，真係超好味😋值得推薦！