泰閣 (Closed)

今晚又去食泰國嘢，呢次揀咗油麻地CASA酒店一樓嘅泰閣。裝修别具泰國特色，寬敞雅致，又有街景，坐得舒適。打開menu，選擇多多，天口咁熱，就嚟個金柚子蝦球沙律醒醒胃先。好足料，蝦球爽口彈牙，柚子酸酸甜甜，好味。跟住上嘅係冬蔭公海鮮籠尖粉，所謂籠尖粉同米線差唔多樣，酸酸辣辣，非常惹味，配料有青口、蝦、魷魚同魚塊，份量足，水準之作。再上個青咖喱鴨胸，食咖喱梗係要配個飯喇。青咖喱椰漿較多，味道偏甜，但都算可口滋味。两條友叫咗三款食物，埋單約300蚊，唔講得話抵食，不過以食物水準同環境嚟講，可以接受。