象泰宴

Open Now

Now Closed

呢日去咗屯門探朋友後，去咗佢屋企附近嘅象泰宴食晚飯。餐廳裝修漂亮，枱旁邊仲有提供usb插座畀食客叉電，夠晒貼心。象泰去骨海南雞配油飯 (例牌) $68鷄肉有鷄味，皮與肉之間有一層薄薄的透明啫喱，肉質嫩滑，蘸上酸酸辣辣嘅醬汁或薑蓉，就更為滋味。泰國船民湯河 $78湯底濃郁鮮甜，河粉十分滑溜，配料包括彈牙牛丸、清甜入味白蘿蔔、腍到幾乎入口即溶嘅牛腩，爽口通菜及惹味炸蒜，豐富好食。泰式明爐香檸汁尖吻魚 $138上枱後一路有明爐加熱保持温度，魚肉都幾嫩滑而且帶點魚油香味，湯汁酸酸鹹鹹令魚肉更加鮮甜。燒美國牛肉沙律 $68燒牛肉牛味濃郁帶咬口，加上爽口嘅青瓜絲、紅蘿蔔絲、惹味洋蔥絲、中芹段、鮮甜番茄，配上酸辣醬汁，清新開胃。椰汁冰 $26椰汁味濃，味道香甜，口感順滑。凍金桔蜜 $22鹹鹹酸酸，解辣好飲。餐廳裝修、食物味道及服務都好，而且食物份量都大大份，整體感覺十分唔錯。