聚友小廚

Open Now

Now Closed

石門站旁邊既京瑞商場2期有間好抵食既小菜叫聚友小廚，老闆非常好客，主打新鮮海鮮，小菜。性價比整高！叫左個晚飯孖寶有蝦有元貝，份量仲好大份添都只係$268.胡椒中蝦非常大隻。色澤紅卜卜，肉質彈牙夠新鮮，調味用上白胡椒令味道相當入味又香濃，而且有大量香葱，蒜，金不換等香料，味道相當討好！蒜蓉粉絲蒸元貝，元貝大大粒夠厚身，質地綿滑，裙邊位爽脆有咬口！粉絲完全吸哂蒜蓉既香味，精髓所在。另再叫個川貝燉鱷魚肉湯，真材實料！味道鮮甜香淳，天氣凍凍地飲起黎非常暖身又滋潤。