老媽拌麵 (THE FOREST) (Closed)

旺角人流密集，食肆林立，想搵間可以坐得舒服嘅餐廳慢慢食下嘢，老友就搵到位於THE FOREST 2樓的#老媽拌麵，啱晒喜歡食台灣菜的我哋。果然唔錯啊，價錢親民食物美味，2個人消費$300左右就已經好豐富啊。話梅酸計豬手鍋，豬手煮得夠淋又入味，話梅酸汁可中和一下油膩感，配料有紅、白蘿蔔同樣入晒味，醬汁拌入飯內很好撈飯，珍珠白飯亦有煙韌感，好好吃。私房花雕雞伴麵，雞是嫩滑的髀位，醃得可口入味，有好香嘅花雕酒味，爽彈的麵已用醬汁拌勻好，都很讚啊。小食要了彈牙的澎湖花枝丸同健康青綠的紅蔥蒜香醬油生菜。套餐包埋飲品同雀巢雪糕，加錢可升級，飲品點左芭樂檸檬茶加仙草加寒天晶球同洛神花茶加寒天晶球，叫了小甜味道剛好，晶球、仙草份量多，冰凍又解渴。