繼光香香雞 (上水中心) (Closed)

天氣熱辣辣，食下香噴噴嘅串燒再配冰凍飲品，真夠爽！🥳 繼光香香雞最近推出咗「八寶串炸」～鍾意食串燒就啱晒「八寶串炸」一共有8款唔同嘅串燒，有魷魚腳、豬梅肉、雞柳條、雞腎丶雞翼尖、四季豆、茄子同埋杏鮑菇。串燒料以獨家特調辣醬醃製，炸製後再灑上特製辣粉、乾朝天椒籽、大紅袍花椒碎末、香蔥等等嘅辛香料🥳 每一串都係一口Size，仲可以好豪邁「一次幾串一齊食」買嗰時店員有問可以食到幾辣，我揀咗小辣，入口帶有獨特嘅椒麻乾香💗超惹味，8串夾埋只係$38咋！ 依家喺1200-1700時段，買炸物再加購飲品（＄15），仲買一送一添🥳我揀咗一杯百香果冰茶，送咗酸梅湯，兩款飲品都幾好，配串燒就啱晒👍🏼