九丁目日本料理

Open Now

Now Closed

今晚約了爸爸到元朗食日本料理，元朗都好多唔同種類既餐廳，爸爸說想食日本菜，所以便黎了呢間食。因為朋友都向我極力推介。門面好光鮮，舖面面積都不少。呢間餐廳有生及熟的日本菜吃，可因應個人口味點選，而且價錢合理。經過一番討論後，決定點一個丼飯，之後再點一些壽司、刺身、小食。食物一下單後，好快便會送上，食物上菜速度好快，而且店員十分有禮，就算我們坐到最入的位置，店員都會常常行來為我們添茶。壽司好滋味，好新鮮點了一客兩件的三文魚壽司$18十分抵吃，味道很好，鮮甜又新鮮。另一客點了兩件的三文魚籽壽司$48超大粒的三文魚籽，晶瑩剔透，粒粒都多汁脆口，用料十分新鮮。正另外仲點了一份三文魚腩刺身，食物跟餐牌中的圖片是一樣咁肥美肉厚，好抵食又好好口感，好正好滿足。餐廳的壽司刺身類都做得十分出色。我們的饅魚丼飯來到，份量都不少呀。大大碟飯，再配以一條又長又肉厚多汁的饅魚，仲有好多蛋絲、紫菜絲拌飯，味道一流。我跟爸爸都好喜歡吃饅魚飯。仲配埋個麵豉湯。小食方面都叫了不少，因為餐牌上的圖片十分吸引，點了一份七味炸雞。熱辣辣的炸雞十分香口多汁，外層灑了少少七味粉，所以吃起來味道帶點點微辣，相當惹味。雞件數目都不少。