小魚兒 (寶漢大廈) (Closed)

之前喺尖沙咀已經食過小魚兒，今次黎到銅鑼灣廣場對面既分店，位置非常方便，地方寬闊座位夠大，餐廳主打炭燒風味烤魚，岩哂約三五知己一齊黎食🩷食物方面🍴海鱸魚鳳梨香辣豆花🐟魚有分三款品種：海鱸魚、江團魚、或鴨嘴魚，湯底同火鍋配菜有多款選擇，我地今次揀左海鱸魚鳳梨香辣豆花口味，鱸魚大大條好新鮮烤得剛好，肉質鮮嫩厚實，鳳梨豆花湯底點左小麻小辣，食落非常惹味蒜蓉牛油龍蝦🦞呢個價錢真係超抵$198，超大隻有手掌咁大，去其他地方食可能要雙倍價錢，龍蝦表面滿滿蒜蓉，熟度剛好，蒜蓉嘅香味吸哂入龍蝦肉，蝦肉爽口彈牙，食出龍蝦鮮味精選美國肥牛片🥩肥牛肉質鮮嫩，肥瘦分布均勻，份量對於倆三人來講十分足夠香蒜燒茄子🍆茄子大大塊食落軟綿綿，配上蒜蓉香蔥同孜然粉帶微辣好惹味娃娃菜🥬新鮮爽甜整體來講，食物水準同性價比都高，會再次回訪😊