栢檔極品海南雞飯

Open Now

Now Closed

放假約咗朋友去佢屋企打機，大家都未食Lunch佢叫我去樓下栢檔海南雞買飯上去食，佢話食魚香肉餅飯，我就要豬頸肉飯，再加半隻海南雞。栢檔原來係一間外賣店，旁邊都有幾個企位可以比人立食。去骨海南雞除咗雞翼位之外，全份雞都係無骨，雞脾位肉質相對比較嫩滑，雞胸位亦煮得剛剛好，特別推介雞皮滑嘟嘟，平時唔食雞皮都食咗幾片，配埋三款不同海南雞醬油，滋味提升。香煎手剁魚香肉餅我都試咗朋友的魚香肉餅，煎得香脆，有啖啖的鹹魚味，佐飯一流。秘方滷燒豬頸肉飯豬頸肉份量都唔少，而且即燒都好香口，外脆肉嫩，醬汁亦很匹配。另外佢仲有套餐，睇落都幾抵食，有湯有菜有肉有飯，仲有甜品，下次可以試下。