Video
Read full review
2021-09-08
364 views
Red Lobster 對於我並唔陌生，以前去美國出差時去過好幾次，留下良好印象。香港呢一間想試咗好耐，本來想訂八月份嘅，不過佢嘅八月Special 超低食，令到餐廳晚晚爆燈。加上我哋只能夠喺星期日聚餐，所以一推再推，最後就只能九月再聚。印象中美國嘅Red Lobster係一間家庭餐廳，但係銅鑼灣呢間就俾人比較高級的感覺。我哋被安排坐2樓靠窗的位置，昏暗的燈光令人感到romantic，所以喺個情侶拍拖食飯嘅好地方。九月份嘅special 喺每份指定龍蝦order, 加一蚊就可以有一塊西冷牛扒。咁啱我哋又想食扒，於是四個人就要咗四份唔同嘅special，仲外加一個餐前小食。點完餐，第一樣上枱嘅喺餐廳出名嘅cheddar bay biscuits。呢個喺餐廳送嘅，熱辣辣又咸咸地，真係好味，第度食唔到。上個月嗰Special就包括unlimited serving of the biscuits, 所以鍾意食佢嘅人一定會嚟食返夠本。跟住上嘅喺四份西冷牛扒，正常size，約六至七安士，配西蘭花和醬汁。我哋order medium，但出到嚟似medium well 多啲，但係肉質都算唔錯。嗰前菜
印象中美國嘅Red Lobster係一間家庭餐廳，但係銅鑼灣呢間就俾人比較高級的感覺。我哋被安排坐2樓靠窗的位置，昏暗的燈光令人感到romantic，所以喺個情侶拍拖食飯嘅好地方。
九月份嘅special 喺每份指定龍蝦order, 加一蚊就可以有一塊西冷牛扒。咁啱我哋又想食扒，於是四個人就要咗四份唔同嘅special，仲外加一個餐前小食。
點完餐，第一樣上枱嘅喺餐廳出名嘅cheddar bay biscuits。呢個喺餐廳送嘅，熱辣辣又咸咸地，真係好味，第度食唔到。上個月嗰Special就包括unlimited serving of the biscuits, 所以鍾意食佢嘅人一定會嚟食返夠本。
Cheddar Bay Buscuits
16 views
0 likes
0 comments
跟住上嘅喺四份西冷牛扒，正常size，約六至七安士，配西蘭花和醬汁。我哋order medium，但出到嚟似medium well 多啲，但係肉質都算唔錯。
西冷牛扒
11 views
0 likes
0 comments
嗰前菜喺上咗扒之後到，次序唔係好啱。個人我亦都覺得個薄餅唔好味，又乾又硬，唔會recommend 呢個dish。
松露芝士焗蘑菇手工薄餅
14 views
0 likes
0 comments
要嘅四隻龍蝦都喺約一磅重，除咗傳統嘅西方泡製方式，最特別嘅喺避風塘炒法。雖然喺香港唔算特別，但係我肯定呢個係美國食唔到嘅菜式，都算係入鄉隨族，啲蒜炒得香仲超多，唔算太辣，我朋友食得好滿意。
避風塘炒活龍蝦
13 views
0 likes
0 comments
其他三款分別要咗磨菇忌廉、意式同埋芝士龍蝦，後兩者仲配埋意粉，十分飽肚。因為龍蝦新鮮，夠份量，肉質彈牙又豐滿，雖然價錢唔平，但係冇欺場 ，所以總的嚟講我哋都好滿意呢一餐，以後嘅慶祝活動地點又多咗一個選擇喇👍！
葡式莫奈芝士醬炒龍蝦
14 views
0 likes
0 comments
意式辣味活龍蝦
32 views
0 likes
0 comments
蘑菇忌廉焗活龍蝦
24 views
0 likes
0 comments
／
Post
