三門仔漁夫火鍋點心專門店 (Closed)

今日屋企人生日，近近地去左屋企附近既餐廳食。屋企人最中意中菜，今晚就帶佢地食中菜同海鮮。送左個小食，有花生食！餐廳都幾大。頭盤黎個龍蝦湯先。個湯落足料，除左粒粒龍蝦肉，仲有鮮蝦。主菜黎喇！首先有個黃金蝦，姐係咸蛋黃蝦。都有10隻之多。炸得鬆脆，每隻蝦都有滿滿既咸蛋黃。之後我地仲叫左個日式燒魚，好特別的一道菜。但魚配沙律醬同木魚一齊食又有另一番風味，幾新穎。點少得叫菜呢，所以仲叫左上湯金銀蛋浸莧菜。好多皮蛋，菜都好大的一碟，都係$88，抵食。最後點少得糖水，紅豆沙吾會太甜又吾會太稀。