明德清湯腩

Open Now

Now Closed

今日好開心有老豆來接我放工，話媽咪約左朋友唔煮飯我地兩人食喎， 難得兩父女撐枱腳咁就緊係食老豆最愛的清湯腩啦。之前返工同事曾經買過外賣清湯牛腩湯河比我食，我覺得唔錯老豆應該會喜歡就決定同佢去堂食一次。一座低侍應已經好熱情問我地想食咩，咁我一口氣叫左 清湯牛肚河，清湯牛孖筋河，沙薑雞（例）和 馳名清湯腩（例）。先講呢到最出名的清湯腩， 肥瘦適中，炆得好腍夠味 ， 只要點一點辣椒油就仲正，配底的羅白仲更加正，因吸收哂d湯汁夠哂甜。沙薑雞就醬汁香濃，雞肉夠滑，生菜配底幾特別，而牛肚和牛筋都唔錯。今次叫唔到豬手，下次來一定要叫。