馬祖 (海之戀商場)

Open Now

Now Closed

呢排成日同媽咪食住瘦又著住健康，搞到老豆有d 眼紅🤣🤣🤣， 為左冧返掂老豆我就決定同佢去馬祖到嘆返個任食火煱食返d 正牛呀！靚雪糕呀咁。老豆知道我同佢去食已經好開心， 仲已經選擇左藥膳蟲草花桃膠雞湯， 真係好養生，而我太耐冇食過麻辣野，所以就叫左個藥膳番茄麻辣湯小辣版， 湯底相當濃郁可口絕對唔係死辣果種，係酸酸甜甜帶點點麻辣。今次我地選擇的係$203套餐， 食 Prime grade肩胛肉眼和西班牙無激素豬肉片， 我同老豆都係牛魔王，所以覺得牛質素正d ，只需輕輕滾兩滾就食得入口鮮嫩， 而豬就比我感覺爽， 唔會入口硬實實。其他打邊爐材料都幾豐富多樣化，最特別係有羽衣甘藍食，魚柳，超長蟹棒， 台灣腸等等......飲品都有齊汽水，檸茶，忌廉梳打，鴻福堂涼菜，夠哂多。最最最後雪糕， 有我最愛 movenpick 冇得講，食左先再減 🤣☺☺☺。