禾牛薈火煱館 (金馬倫道)

Open Now

Now Closed

依間禾牛薈火鍋館喺尖沙咀金馬倫道，地鐵站行過去5分鐘左右，我同屋企人耐唔耐都會去打邊爐～食物選擇超多，除咗一般火鍋配料之外，仲有一堆炸物小食，一定揀到自己嘅心頭好💖-招牌手切肥牛-手切肥牛切得厚薄均勻，肉質鬆軟牛味濃郁，煮8秒左右就食得，好滋味，嚟到一定要食手切牛，不可不食🤤-精選三式餃-有齊自製鮮韮菜餃、帶子雲吞蝦餃子、鮮蝦雲吞餃三款餃，皮薄餡靚，每料餃都好飽滿，好味到想買生餃返屋企煮嚟食🙈-一口雞軟骨-雞軟骨好脆，用啲胡椒鹽調味，一粒一粒食停唔到口，送酒好正！-脆炸榴槤波波-用嚟做甜品會唔會太邪惡🤤外面炸到金黃色，入面嘅榴槤肉好香好creamy，真係好好食🤤