啖啖肉

Open Now

Now Closed

葵廣一向都係掃街天堂，亦都係我嘅掃街首選😚，佢嘅熱鬧程度絕對同台灣嘅夜市有得比。無論係粥粉麵飯，定係串燒飲品，葵廣應有盡有😎。。今日再次嚟到葵廣醫肚，照舊例牌嚟到2樓潮流廊，發現開咗一間新舖，係食韓式炸雞嘅，佢主打韓式炸雞Crossover美式Fish N‘ Chips，睇賣相都幾吸引，一於就佢啦😂。。個店主都幾Young，同佢傾咗兩句，原來佢係由前米芝蓮餐廳廚師，咁後生就出嚟創業，認真唔話得🙈。。我叫咗三款口味，分別係蜂蜜脆脆、水牛城同埋黑松露醬。味道先唔講，首先個炸雞嘅口感真係冇得頂❤️，口感非常之爽脆，而且佢個炸皮非常薄，又薄又脆，咬落口入邊個雞依然Juice，簡直外脆內軟🤩。佢嘅粉漿同外面嘅炸雞店非常之唔同，唔覺有油膩感😋，而目薄到如果唔係食到卜卜聲嘅，都唔知道原來裹咗層粉漿😂。。而味道方面亦都好出色，三種味道都唔錯，蜂蜜嘅甜而不膩，水牛城嘅惹味，黑松露嘅香口我都好鍾意☺️。而當中，我特別鍾意蜂蜜脆脆😝，佢除咗有蜂蜜嘅甜味之外，仲有辣根嘅味，少少辣少少甜，味道好有層次，好有驚喜❤️。