Seafood ghost (Closed)

秋天天氣涼爽又唔會太凍就最啱去戶外活動，我地都要捉住秋天嘅尾巴嚟個單車放風之旅，係石門附近還車後就諗住食埋晚餐先走😆京瑞廣場都有唔少選擇，但我地就俾Seafood Ghost 門口嘅海報吸引住，諗都唔諗就入去坐啦😆Seafood Ghost 主打有兩款，招牌烤魚同火鍋，我地就揀咗烤魚做今日嘅主菜👍🏻首先要三選一揀條魚先，仲有細心咁寫咗低每條魚嘅特點，而我地就揀咗肉厚細嫩嘅海鱸魚，而湯底就揀咗出面比較少見嘅海南黃金酸辣烤魚，口味比較偏東南亞，湯底酸酸辣辣好開胃，配料仲有新鮮菠蘿片🍍，甜甜酸酸好醒胃😋$268嘅烤魚仲配有唔少基本配菜，例如：黑木耳、蓮藕片、薯仔🥔、萵苣等等其實食完烤魚仲可以加高湯繼續打邊爐，一物兩食，我地加點咗烤魚必食嘅紅薯粉、手工蝦丸同極上牛花𦟌等、蝦丸好彈牙仲食到粒粒蝦肉👍🏻第一次食牛花𦟌打邊爐，雪花紋平均，用嚟打邊爐牛味濃郁而且無想像中咁難熟，反而更有𡁻口，可以慢慢品嚐享受😎