Video
Read full review
2021-11-28
52 views
今日同個舊朋友見面，大家好耐冇見，當然要食番餐好嘢慶祝下，上網見呢間日式西餐連日本人都推薦同埋d和牛牛扒相片好吸睛，我哋兩個都鍾意食牛，決定試吓。去到我地都冇乜主意食乜，侍應好熱情咁同我地介紹，咁我地都基本上跟佢介紹落單。烤雞凱撒沙律點咗好多牛肉，一定食番d蔬菜平衡一下，沙律菜好新鮮爽脆，醬汁分量恰當，芝士大大片，加上麵包糠和煙肉，味道唔會單薄。燒雞燒得外脆內軟，雖然雞扒份量不大，但食到舔舔脷。Grill Tajiyama 精選日本黑毛和牛扒牛扒係用日本A3和牛，我地order 咗5成熟。烹調時間掌握得啱啱好，完美嘅五成熟呈現，牛扒顏色粉嫩，賣相吸引。和牛扒油脂豐富，一咬下去滿口油香，非常邪惡，入口即溶，完全冇根，好嫩滑。加少許海鹽來食，帶出了牛肉既味道。辛香黑椒蘑菇汁漢堡扒漢堡扒是師傅即叫製，以精選日本黑毛和牛肉人手搓成，並且使用肉頭肉尾，保證新鮮。漢堡扒好厚，絕不欺場，肉味十足，肉質嫩滑，同樣入口即溶，再配上黑椒汁同雜菌，辛香味道帶出牛另一種既味道。配菜既蕃茄同薯仔同平時食既都有d不一樣，蕃茄爆汁，好鮮甜，薯仔食落口感粉嫩軟糯，配上濃汁，超好味。濃郁紅醬意大利麵配香煎大蝦呢個係侍應
去到我地都冇乜主意食乜，侍應好熱情咁同我地介紹，咁我地都基本上跟佢介紹落單。
烤雞凱撒沙律
點咗好多牛肉，一定食番d蔬菜平衡一下，沙律菜好新鮮爽脆，醬汁分量恰當，芝士大大片，加上麵包糠和煙肉，味道唔會單薄。燒雞燒得外脆內軟，雖然雞扒份量不大，但食到舔舔脷。
Grill Tajiyama 精選日本黑毛和牛扒
牛扒係用日本A3和牛，我地order 咗5成熟。烹調時間掌握得啱啱好，完美嘅五成熟呈現，牛扒顏色粉嫩，賣相吸引。和牛扒油脂豐富，一咬下去滿口油香，非常邪惡，入口即溶，完全冇根，好嫩滑。加少許海鹽來食，帶出了牛肉既味道。
辛香黑椒蘑菇汁漢堡扒
漢堡扒是師傅即叫製，以精選日本黑毛和牛肉人手搓成，並且使用肉頭肉尾，保證新鮮。漢堡扒好厚，絕不欺場，肉味十足，肉質嫩滑，同樣入口即溶，再配上黑椒汁同雜菌，辛香味道帶出牛另一種既味道。配菜既蕃茄同薯仔同平時食既都有d不一樣，蕃茄爆汁，好鮮甜，薯仔食落口感粉嫩軟糯，配上濃汁，超好味。
濃郁紅醬意大利麵配香煎大蝦
呢個係侍應介紹俾我地，menu上寫紅醬，但實質唔係用茄汁整醬汁，係用蝦殼熬成濃郁醬汁整嘅意粉，我哋都好期待。味道果然沒有失望，每啖口感彈牙的扁意粉都充滿濃厚鮮蝦味道，還有櫻花蝦，提升香氣。意粉好掛汁，啖啖都是鮮蝦精華。一碟有四隻大蝦，好爽口彈牙。
甜品
我地叫左2款甜品一齊share, 紅豆抹茶奶凍同雜梅乳酪芭菲，2款賣相都好精緻，抹茶奶凍口味清新，紅豆軟糯香甜。雜莓乳酪芭菲口味較酸，乳酪香滑配上穀物脆片，口感層次豐富。
整體上，食物高水準，服務質素都高，介紹食物都有了解我地喜好先介紹，真係好既服務。
Post
