芝加哥串燒酒場 (明雲閣)

放假想搵個地方同朋友坐下，食下野🤭所以去左元朗一間有燒烤又有酒飲既餐廳食下野。入面既野食選擇好多，原來除左燒烤，都仲有主食，而我今次主要係食燒烤，飲啤酒🤤牛類🐂我地叫左A5和牛串，雖然係燒，但燒得岩岩好，唔會太過熟而靭，亦好香🤤仲叫左牛仔骨，好入味。牛肋條串都唔錯！煙燻和牛舌係幾爽口，仲要厚身得黎都唔難咬👍🏻安格斯肥牛露筍串，依個好夠汁，個味又調得好好！雞類🐥大蔥雞髀肉串係有啲蜜糖係上面，亦都燒得好香，亦很多汁。雞翼包飯，依個靚感覺好得意，口感好軟糯，唔錯唔錯👍🏻明太子玉子燒佢個面係一層明太子再燒，兩個加埋個味好夾，係會想再食既味道😋蔬菜類🍆燒茄子真係好夠味，又夠蒜香味，香噴噴咁！你叫左香草芝士焗雜菌，依個真係好好食，好夠芝士味，而份量都幾多😍海鮮類🦐香蒜燒飽魚，燒得岩岩好，唔會好乾，都唔會燒老左👍🏻扇貝係大大粒的，要分兩啖先食得哂。燒聖子係好夠味，同juice，個味都岩岩好。佢既芝士虎蝦都好正，一大片芝士放係蝦上面，好有味，蝦都好爽甜🤤燒烤我必食既雞泡魚干真係我既大愛，送酒真係100分😌👍🏻全部我地都叫左小辣，好好味🤤環境都好舒服，可以慢慢坐慢慢食，聽吓歌傾吓偈😆下次可以再去😌