安平燒肉

Open Now

Now Closed

唔知大家會唔會同我一樣突然之間就會有燒肉癮呢？我平時就最鍾意去呢間，貪佢夠多款味道又唔錯。我地今次揀左呢個Ｍ５和牛餐，因為佢有104款選擇，種類繁多，和牛同海鮮質素都唔錯，食到停唔到口！ 🟥燒肉特別推薦大家食牛舌心 ，雖然係限量既，但必叫，牛味好重，好軟腍！當然佢地既澳洲M5和牛同安格斯牛小排都好推大家食，油脂豐富，牛味好濃！🟨海鮮例如有燒生蠔、帆立貝、絲瓜炒蜆等等，最有驚喜係大蝦、生蠔同扇貝，估唔到大隻又新鮮！好滋味。🟧台灣夜市小吃我地仲叫左好多台灣夜市小食添，台灣腸、鹽酥雞、甜不辣，味道都唔錯，特別係鹽酥雞鬆脆，食到停唔到口！ 🟫 自助區真係要重點推薦佢地既櫻花蝦飯，根據自己口味去調配，醬汁同埋啲飯都好夾，上面再鋪上海苔／秘製滷汁，正呀！🟨自助撈醬有好多款醬可以溝，例如招牌黃金醬（呢個好好食）同埋椒麻口水醬辣辣地，其他醬，例如蒜味鹽醬、薑味可樂醬、台灣甜辣醬都好出色，大家都可以慢慢試！🟪飲品＋甜品亦都係有好多款選擇，而家仲有優惠，只要like 社交平台就有開心果奶蓋茶，奶蓋＋紅茶真係無得輸！最後甜品仲有Häagen-Dazs雪糕，作一個完美既句號。