Video
Read full review
2018-07-20
48 views
友人係呢頭返工, 佢約我係附近食晚飯話要介紹一間正嘅越南食店比我, 嘅然佢咁有誠意, 我又點可以拒絕呢?!佢講嘅係呢間酒店內嘅Food Court, 而呢一間店就係其中一間食店, 綜觀都真係幾多人幫襯搵好位就去落柯打, 食物選擇有湯粉, 撈檬, 飯, 輕食類及飲品, 湯粉類份量可選普通/加大版呢碗生牛肉湯粉, 一碗有齊多樣牛部份, 樣樣都有D, 包括美國安格斯牛肉, 牛坑腩, 牛栢葉, 牛筋及牛丸! 配埋香葉, 芽菜, 辣椒粒及青檸, 趁湯熱時倒埋落去, 增加香味! 啖湯清得黎飲落滿滿牛香味!美國安格斯牛肉食落口感嫩滑又有牛肉味; 牛坑腩煮得腍而入味; 而個金邊粉幼滑可口, 呢碗大碗份量果然好夠份量, 足夠二人分享, 下次可以叫返個普通版就OK啦!我呢碗係生牛肉牛栢葉湯粉, 普通份量版, 其實都比起其他店舖食嘅份量為多! 有埋個芝麻醬用黎點牛肉食(?) 唔理啦, 我當係啦! 趁熱湯快D浸下D生牛肉, 食落半生熟時口感超嫩滑, 再飲啖湯, 食"住"湯粉, 感覺唔錯; 唯覺得D牛栢葉切得過幼細, 食起黎無咩口感!本來想叫個蝦米卷, 可惜賣晒, 轉叫呢客素菜米卷, 一客四舊, 整體
佢講嘅係呢間酒店內嘅Food Court, 而呢一間店就係其中一間食店, 綜觀都真係幾多人幫襯
搵好位就去落柯打, 食物選擇有湯粉, 撈檬, 飯, 輕食類及飲品, 湯粉類份量可選普通/加大版
呢碗生牛肉湯粉, 一碗有齊多樣牛部份, 樣樣都有D, 包括美國安格斯牛肉, 牛坑腩, 牛栢葉, 牛筋及牛丸! 配埋香葉, 芽菜, 辣椒粒及青檸, 趁湯熱時倒埋落去, 增加香味! 啖湯清得黎飲落滿滿牛香味!
生牛肉湯粉
11 views
0 likes
0 comments
美國安格斯牛肉食落口感嫩滑又有牛肉味; 牛坑腩煮得腍而入味; 而個金邊粉幼滑可口, 呢碗大碗份量果然好夠份量, 足夠二人分享, 下次可以叫返個普通版就OK啦!
我呢碗係生牛肉牛栢葉湯粉, 普通份量版, 其實都比起其他店舖食嘅份量為多! 有埋個芝麻醬用黎點牛肉食(?) 唔理啦, 我當係啦! 趁熱湯快D浸下D生牛肉, 食落半生熟時口感超嫩滑, 再飲啖湯, 食"住"湯粉, 感覺唔錯; 唯覺得D牛栢葉切得過幼細, 食起黎無咩口感!
生牛肉牛栢葉湯粉
6 views
0 likes
0 comments
本來想叫個蝦米卷, 可惜賣晒, 轉叫呢客素菜米卷, 一客四舊, 整體賣相幾吸引! 米卷"身型"唔的式, 軟中帶韌嘅外皮包住爽口生菜, 蘿蔔絲, 青瓜條及濱海, 點少少酸汁一齊食, 多種口感, 夏天食呢D感覺幾清新!
素菜米卷
9 views
0 likes
0 comments
無點到鷄絲湯河就叫左呢個鷄絲沙律, 材料有沙律菜, 生菜, 蘿蔔絲, 蕃茄仔, 鷄絲及粉皮條, 又係滿滿感覺! 加埋酸汁撈均一齊食, 又係清新無比, 唯獨鷄絲質感比較嚡口!
鷄絲沙律
8 views
0 likes
0 comments
飲品方面叫左青檸七喜及椰青, 喜歡佢呢個椰青夠晒凍, 飲落清甜透心, 食埋D椰肉就仲滿足!
唯然係坐落於food court, 但環境衛生都唔錯, 唯獨要自己搵位及拎食物, 不過食到好味食物應該都唔會介意嘅!
Post
